媽媽生日快樂

今日係媽媽正日生日，在此向媽媽講聲：生日快樂！

我地今晚全家人去左時代廣場魚翅城食飯，為媽媽慶祝生日，其實價錢都唔平，不過聽聞呢度有著名既蛋散，大件夾好味，就試下啦！我地叫左幾碟小菜，再加一碟蛋散，部長話係一人一件既。最先上既係醉雞，d酒落得太多，搞到隻雞有少少苦味，麻麻地。跟住係抄蛋，唔知係咪自己偏愛食蛋呢，小妹覺得呢碟抄蛋係全晚最好味既，入口嫩滑唔黐牙，勁有蛋味，一個字：正！之後幾碟餸都唔錯，幾好味。最後係蛋散，食評真係無誇張，蛋散真係好大件，入口真係好鬆脆(入口即溶)，加上淋左d蜜糖係面，甜甜地，呢味甜品都好正！食飯前姐姐係煤氣公司買左個蛋糕，本來個蛋糕都幾好味，但係碟蛋散實在太出色，再加上我地又食得好飽，所以每人只象徵式地食左一小件。