倒霉媽媽

自從前年開始，每年既5月23日都可以話係我媽媽既倒霉日，點解咁講，故事要由2005年講起．．．

2005年5月23日星期一，下午4點幾，突然收到電話，係阿媽打離，以為佢放工後打離傾下閒計啦，點知佢一開口就話佢係醫院，嚇我一跳，佢話佢係公司跌親，入左A&E，我即刻同老細講要早走。去到醫院，佢仲等緊見醫生(分流之後有排等...)。原來佢係公司臨放工前，係server房做野時跌左落個窿，因為其中一塊地板揭起左，所以佢成個人跌左落去，整親條腰骨同隻腳，好彩照完X-ray無骨折，跟住就係屋企抖左一個禮拜。

2006年5月23日星期二，中午就到12點鐘lunch之前，突然又收到媽媽電話，初時我都唔醒起05年既意外，一開聲講野果個唔係阿媽，而係佢同事，佢同事話同我媽又入左醫院急症室，於是我又要同老細請假。又係去到呢間醫院，今次佢係公司條走廊跣倒，跌傷隻手，好彩只係輕傷，但係就令我地覺得好邪，因為又係5月23日。

2007年5月23日星期三，經過先兩年既教訓，媽媽今年決定呢日請假，連5月25日生日都唔請假，留番23號請，結果到左個日．．．一切都平安無事，好平靜咁渡過左呢一日。