做冬

因為今年唔係香港過冬，所以提早係今晚做冬，約埋幾個親戚同屋企人去左一間叫做"小南國"既上海菜館度食晚飯，味道一般，但服務態度認真麻麻，我地都知道一早講明有時間限制，都唔駛一開始就上八碟餸(四小碟頭盤＋三碟主菜＋每人一碗湯)，張枱根本放唔到咁多隻碟，我地咪同一個類似部長既人講，叫佢下一碟餸唔好咁快上，等我地清緊枱面果d先，佢仲應我話無問題，點知唔夠５分鐘，又離兩碟餸，今次真係無位擺，咪叫佢將大碟全部轉晒細碟，我已經黑晒口面，成餐飯食得勁唔like，今時今日咁既服務態度，就算d野好食到曉飛，都咪駛旨意我再幫襯第二次，更何況佢d野唔好食，又一次對香港美食天堂失望。