燒鵝團，不是鴨仔團

今晚有同事升職請食飯，有人提議去食深井燒鵝，於是一行８人燒鵝團就此成立。

聞名已久既深井燒鵝，果然真係見面不如聞名，小妹自問唔係食家，對食亦無乜研究，但都覺得隻鵝唔係想像中咁好味，鵝肉頗"鞋"，味道偏咸，其他菜亦唔係咁好味，份量少之餘仲好油膩，唯一係碟"冬菇海參炆鵝掌"叫做味道正常okay，所以可能大家都食唔飽，老細就提議去隔離"發記"食糖水，點知又一次見面不如聞名，d糖水仲難食過燒鵝，唉～香港仲話係美食天堂，小妹真係好失望！