歐遊，出發lu~

要準備出發喇，心情好緊張呀，又好驚呀，皆因先頭睇新聞話倫敦果邊有大霧，好多班機都delay呀，連領隊都打電話離叫我地帶定d衫褲係身邊，以防行李delay，都有衫褲替換，好似好混亂咁，點解我咁黑仔ga >.<

真係要出發喇，兩個禮拜後見！

執行李

琴晚執行李執到好夜，搞到今朝唔知醒，遲晒大到，成九點半先番到公司，點知都居然係最早果個番到，臨近假期既週末真係free~

講番執行李，真係好混亂，因為之前又要番工又要番學，琴晚先有時間開始執行李，一屋四個都要執行李，咦！點解四個人既？可可都要執行李，今晚去酒店住喇！

Last Day of Duty

同事終於今日last day，好搞笑，佢臨走先發現仲有cusion，櫈仔等等既野未send去新office，唯有之後先send去俾佢啦～

領隊今日終於打電話離，都係講果d野啦，茶會都聽過晒，俾我估中，今次係男領隊離既。

旅行準備

今晚黃昏時候去左永安開茶會，因為星期六就要去歐洲旅行，其實個會都開得幾遲。

通常茶會都例牌有茶點食，一心諗住聽完先食，點知聽完大概一句鐘之後，果度已經要close，我地剩係夠時間唱錢同埋去個洗手間，都莫講話食野，就連想買個轉插都趕唔切，呢個茶會實在太晏開喇！
開完茶會後經已天黑，仲要去借相機和行李o急，真係幾頻撲。

做冬

因為今年唔係香港過冬，所以提早係今晚做冬，約埋幾個親戚同屋企人去左一間叫做"小南國"既上海菜館度食晚飯，味道一般，但服務態度認真麻麻，我地都知道一早講明有時間限制，都唔駛一開始就上八碟餸(四小碟頭盤＋三碟主菜＋每人一碗湯)，張枱根本放唔到咁多隻碟，我地咪同一個類似部長既人講，叫佢下一碟餸唔好咁快上，等我地清緊枱面果d先，佢仲應我話無問題，點知唔夠５分鐘，又離兩碟餸，今次真係無位擺，咪叫佢將大碟全部轉晒細碟，我已經黑晒口面，成餐飯食得勁唔like，今時今日咁既服務態度，就算d野好食到曉飛，都咪駛旨意我再幫襯第二次，更何況佢d野唔好食，又一次對香港美食天堂失望。

燒鵝團，不是鴨仔團

今晚有同事升職請食飯，有人提議去食深井燒鵝，於是一行８人燒鵝團就此成立。

聞名已久既深井燒鵝，果然真係見面不如聞名，小妹自問唔係食家，對食亦無乜研究，但都覺得隻鵝唔係想像中咁好味，鵝肉頗"鞋"，味道偏咸，其他菜亦唔係咁好味，份量少之餘仲好油膩，唯一係碟"冬菇海參炆鵝掌"叫做味道正常okay，所以可能大家都食唔飽，老細就提議去隔離"發記"食糖水，點知又一次見面不如聞名，d糖水仲難食過燒鵝，唉～香港仲話係美食天堂，小妹真係好失望！

瘋狂打機中zzz

終於有得打機lu~

其實前日已經羅左機，不過琴晚先買齊裝備，開始沉迷打機中，搞到依家勁眼訓zzz

飛髮

終於的起心肝，今日去左飛髮，剪晒d開叉，剪左兩三寸，髮型師話好少人可以留到咁長，唔捨得剪左佢喎！跟住我又做左colour，原本想做埋焗油，因為之前開叉真係好嚴重，但髮型師唔俾，佢話染完髮跟住就焗油會退色，又會好傷頭髮，叫我一個月後先好去焗，佢成日都係咁，有錢都唔賺，真係唔知好嬲定好笑！

我要打機

今日陪個fd去買ndsl卡，見到佢部機，真係好想快d攞到呀，打左電話去問card centre，佢話要等到18號先有信，等到頸都長喇，希望去旅行前有啦，咁就有得帶埋去玩lu～

虛驚一場

虛驚一場，原本以為今日真係會跌到落15度，點知lunch time升到上21，仲有太陽添，雖然有d風，但都好溫暖，有d似秋天既感覺。

虛驚一場，一早知今日公司有兩個同事請假，加上又係星期一，以為一定好多cases，好多電話會好忙，上晝係忙d，不過成個下晝都算幾清閒(與平日比較)，真係少見。

虛驚一場，之前寫來寫去都run唔到既program，經同學點醒後，終於行到，功課叫做有d眉目，距離"完成"又近一步喇，加油呀！

好凍凍凍

天文台話聽日得15度炸，可可凍到震呀！

誰是欣欣？

原名：欣欣
網名：㊣小瑪姬㊣海水㊣
筆名：小妹
其他名：妹妹
性別：女
資料：不詳

誰是可可？

原名：可可
英文名：Coco
其他名：妹妹妹妹，小Co，Co仔，小鬼．．．
性別：女
資料：不詳

～歡迎光臨～

呢度將會係欣欣與可可同大家分享既天空，請多多支持啊！