報應

今日讀書讀到悶悶地，諗住上網睇下有咩新game，反而見到有新M3 update，順理成章咪d/l去張SD度做update，點知update完restart後，一開個動森，未load data前已經發現條村個畫面唔同左，入到去更加係面目全非，好似去左人地條村咁，完全唔係我既town，再restart，都係咁，當時我就好像心跳、呼吸全部停止一樣，因為我事前無諗過會update失敗(我唔係第一次update)，所以完全無backup，即係話，我之前係動森儲左四個月既心血全部無晒，係個一刻我真係沮喪到極點，我完全明白到以前經常係新聞見到用左好多心血得來既武器俾人偷晒個d人既心情，終於知道佢地點解咁想死。天呀！我到底做錯左乜野呀？．．．咦，其實我真係做錯左，我本來應該封左機、好勤力咁溫緊書，好地地溫書咪好lor，做乜手多多、咁心散又走去開部機離玩呢，所以諗到尾其實都係自己攞離衰，應有此報。當我諗到呢度時，突然醒起好似係三月曾做過backup，於是即刻開機搵，真係俾我搵到三月尾個backup，雖然無左成個月，總好過乜都無晒丫。人生有起有落、有得有失，估唔到我係一個鐘頭之內經歷晒。

BB Day

中午放工搭巴士時，係架巴士度俾3個BB圍住，其中一個不停打隔，個媽媽俾水佢飲都唔停，突然間佢眼定定咁望住我，望左一陣之後就停左打隔，另外一個BB係男仔離既，但佢有一對好長既眼睫毛，個樣鬼鬼地，好似mix，都幾靚仔ga，佢就好乖，全程都無扭計，仲眼仔碌碌鬼咁cutie，佢媽咪話佢最鐘意坐車，所以先咁定。

我決定要封機，打埋今晚一晚咁多啦，跟住就要專心溫書喇，不過一定要維持每日餵狗，如果唔係佢會走佬ga。

係人係狗？

「我睇人睇咗幾十年，邊個係人，邊個係鬼，我睇得到！」今晚大契又有金句，近期最熱既話題一定係呢套劇，事關佢晚晚都有金句，連我屋企都要整番句．．．

話說今晚當大契講完呢句說話，鬧完細契之後，可可成張地氈咁灘左係路中心，媽媽要經過，可可都唔讓路喎(好大膽呀！)，咁媽媽就即時大契上身，好大聲咁對住可可講：「我睇人睇左幾十年，你係人係鬼，我一眼睇得出！」，我於是好快咁更正媽媽，我話媽媽你應該講：「我睇狗睇左幾十年，你係人係狗，我一眼睇得出!」，跟住大家都笑晒，只有可可仍然木無表情咁起身行開左，因為佢終於俾人識穿左佢係人定係狗!？

遇見長頸鹿Gracie

連續兩日遇到特別人物，証明我呢排行緊運XDDD
今日Gracie離左我條村，又違例迫左架車係town hall門口，如果我係差人，我一定抄佢牌。佢又照舊咁話我衣著品味差、bad taste，跟住又叫我俾幾多幾多錢佢幫我design一個image，我見佢d衫係限量tee，咁咪即管俾佢design啦，點知隻死野收左我大拿拿2500，居然搞到我咁既樣：

叫我以後點出離行呀！就係我既傷心且憤怒之際，有位網友話我知原來我戴左個假髮，叫豬尾，可以除落離既，咁我都無咁嬲。之後第二日我去Redd間舖頭度買野，呢個Redd經常用白鴿眼睇人，由於我著左呢件限量tee，Redd肯賣真畫俾我，呢個郁都算有d用處。

Massage Chair

今日終於等到Saharah喇，好耐之前我已經從Wendell手上得到turban，俾左Saharah後，佢就即刻俾左張massage chair我，真係好開心呀，只要等到5月20號釣魚比賽個日，到時隻烏龜村長就會現身，再用呢張櫈同佢交換scallop...真係諗起都開心，距離金斧頭又行近一步喇！

Mario

今日我決定為動物之森開始寫日記．．．

雖然玩左動物之森幾個月，但到而家都仲未儲齊所有items，間屋又未供完，真係長玩長有既game，咁多隻games入面我最鍾意玩呢隻，其次就係任天狗^^

頭先無無聊聊，見到隻花面貓又離左，咪諗住整估佢，再畫花d佢塊面，突然靈機一觸，想design一下，於是上網搵左Mario張design圖(一直都想畫佢出離)，就係咁，350bells就用左係Mario度喇．．．



遲下仲要畫埋其他道路，畫呢幅都用左成15分鐘，所以...都係等我得閒先再畫過！

翻生侏羅館

最初睇到呢張海報時，仲以為係搞笑版既侏羅紀公園，係圍繞恐龍既故事，睇左之後才知恐龍既戲份唔多，如果係恐龍fans既朋友就唔好睇喇，事關隻恐龍實際上只係一副恐龍骨，不過都幾cutie，佢既舉動好似一隻寵物狗，成日要人陪佢玩執骨頭遊戲。整體上厘講，故事內容都算相當有趣，講述一群博物館既展覽品，不論人或動物，每晚都會活動起來，令負責看守佢地既管理員非常煩惱，每晚都要小心看守著佢地，避免佢地走失，因為如果佢地走出館外、遇上天亮太陽出來時，一旦被太陽照射到，佢地就會化為灰燼，消失於世上了，我睇到呢幕時都差d喊左出厘。全套戲其實只講左管理員係呢間博物館打左兩晚工既情況同發生既事情，但已經十分精彩，我覺得除左小朋友外，呢齣戲更應該介紹俾大人看。

參考網址

天氣會變

呢幾日天氣好反常，早晚就凍，中午就超熱，明明朝早起身１７度，中午食飯時居然上升到２７度，差１０度咁多，真係超誇張，到夜晚又回落番十幾度，搞到香港好似沙漠咁，突然諗起古巨基以前一首歌：人和事也難預見～下世紀天氣大變～希望香港人環保d，真係唔想有生之年會見到呢d"奇境"。

怪風？

今晚睇新聞，添馬艦嘉年華俾怪風吹襲，吹跌左那個係激流船上面既燈箱，剛好壓住兩隻經過既船，有三個人受傷，片段所見，個燈箱不偏不倚咁"long"係兩隻船上面，兩隻船係佢一頭一尾既下面，頭先夜晚食食下飯先開始落雷雨，又唔係打風，天文台話只係季候風，照計無理由大風到吹跌咁大個燈箱丫，不過電視台訪問街上面d人，佢地都無準備落咁大雨同埋咁大風，有d仲驚到要喱係騎樓底避風雨添，駛唔駛咁誇呀，既然咁大風，點解天文台又唔掛風球呢？天文台個風測真係奇怪，都唔知佢地裝左個風測係邊樹！

產前檢查

頭先出街食lunch時，突然有個派傳單既人問我係咪離做產前檢查，真激氣，我只係肥，同孕婦個種肥差好遠ga，咁都認錯！真係激死我喇！！！睇離真係要認真咁減肥至得喇！