尖沙咀->中環

原來今年尖沙咀海運大廈用花來裝飾～



仲有個山盟海誓石，正所謂海枯石都不會爛，因為塊石是假的，唔通想新年crossover情人節？


橫掂離到碼頭，咪坐天星小輪番屋企lor，順便睇下中環個新碼頭，點知真係令我好失望，新碼頭真係好核突，個鐘樓好似塊大紙牌模型咁，又要行鬼死咁遠路至出到去巴士站，你知啦，我唔行得ga ma！


沿途還影了其他相，詳情請瀏覽欣欣相簿。

一個人

年初九的晚上，全家人都有節目，除左我同可可，最後我決定賣甩可可，一個人去行街街兼食晚飯，估唔到星期一晚都咁多人行街，可能仲係新正頭啦！番到屋企，至發現可可等埋我食飯，真係對唔住呀～可可>.<

恭喜發財

新年快樂，好懶呀，成個月無寫blog，新既一年祝我自己勤力d啦，哎呀，我仲有好多功課未做呀！

真的病了

琴晚痛到訓唔到覺，於是今朝番工即刻走左去A&E睇急症，員工都無乜優待，只係俾平時快兩個鐘左右，平時要等三至四個鐘，今日等左一至兩個鐘左右，不過我痛到死，都唔理得咁多．

醫生同我check左好耐，驗來驗去都唔知邊度痛，又無嘔又無肚疴，最後醫生估都係胃炎，開左d胃藥，仲有２日病假紙．

番到屋企，食左藥都仲係勁痛，痛既位置係胃既附近，我懷疑唔係胃痛，決定再去睇私家醫生，證實係神經線發炎，係胃附近d神經線，所以會誤以為胃痛，都係食d止痛消炎藥．唉！臨新年前先來病一場咁"金"既，真係慘慘！

病了

今朝番工時，無端端個胃勁痛，唔知又食錯咩，下晝食左胃藥都無乜用，希望訓醒一覺就無事啦！